الفرق بين مهند و الخليجي

[هيبة ملك]

بسم الله الرحمن الرحيم


في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع





- مهند -



يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :



( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



- شباب الخليج -



يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :



( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )

*****************************

- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )



- شباب الخليج -



مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :



( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )


****************************************


- مهند -


مهند طالع مع نور السوق .. يشترون لهم هدوم .. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- شباب الخليج -



الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !

************************************************** *****


- مهند -



قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


- شباب الخليج -



قام من النوم نص الليل .. ما شاف زوجته يمه .. فتح الليتات .. قام يصارخ :



( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

************************************************** ****


- مهند -



قاعد يقرا كتاب .. وفجاه ياته نور .. لابسه فستان يديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- شباب الخليج -



قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :



الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!


*****************************************

طبعا الفروق لو بقعد من الصبح للحين .. ما بخلص ..
لان 180 درجه فرق .. ولكن شنسوي .. الله كاتب لنا ان نجابل شبابنا
ونحتسب الاجر عند الله ..


الله ياجركم يا بنات الخليج ..
صدقوني .. كله اجر وثواب ..

[~Top ] أنا [ Stop~]

اي والله

كله اجر

كافي مجابل الوييه الجلحه والودره

خخخخخخخخخخخخخخخخخخخخخخخخخخخخخخخخخخ

[:::جــــوووهـــرررة]

هههههههههههههههههههههههههههههههههههه


ايه والله صدقتي واذا وحده تروح مع اخوها ينزلها بالسوق ويجلس بالسياره ماله خلق



الله يستر بس



تحياتي

[صديق الورد]

اقووول عيشوا بأحلام



الله يعيننا عليكم خخخخخخخخخخخخخخخخ


مصدقين اعماركم انتوا خخخخخخخخخخخخخخخخ

اصلا احمدوا ربكم لقيتوا احد ياخذكم خخخخخخ

وراح انزل موضوع الفرق بين نور والبنت الخليجيه

وهالله هالله ياعبدالله

[هيبة ملك]

انا اشهد جوجو
مالت عليهم بس شنسوي قوامون علىآ النساء موكفو صج
نتحمل كله اجر لنا

[هيبة ملك]

هالله هالله ياعبدالله هاه
اقول انتم الي احمدوا ربكم ان احنا متحملينكم ومتحملين بلاويكم
صج ناكرين الخير

منورين حبايبي

[مايا]

//

السلآم عليكم ورحمة الله وبركآته ::,,

/

أنا أرى العَكس تَماماً

لأني أرى الرجل العربي يُحب المرأهـ ويحترمهـا جِداً ويقدُّسهـا ولذلك الكثير من الأدله التي جَعلت من النساء
الغربيات بالدخول في الإسلآم ,,

أما الرجل الغربي فأراهُ لا يحترم المرأة أبداً وإن كانَ هذا ظاهراً فالحقيقة مخفية تماماً ,,

عذراً على الإطاله ,

ودّيْ
.
.
.

[زال همي]

لاتعـــلـــــــيـــــــــــــــــق

يعـطيج العـافيه
تقبلي مـروري

[كابتشينو]

يااااي مهند .. :a30:



كشششخه المقارنه كششخه


::
:::.


وتعالي كل يوم بموضوع جديد عن مهند

[Mσďђęľą]

شباب الخليج -



الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !




هههههههههههههههههههههههههههههههههههه


ونااسه هالنقطه:a20:


تدرين هيوبه مثل شباب الخليج مافيه الصراحه :a20:


والصراحه مايعجبني مهند ابد وبعدين ترا كله تمثيل مو صدق:p:


تسلمين فديتك:a20:

[قوت القلوب]

شحلاتــــهم شبــــاب الخليــــج ...:a38:

بس المقارنه عجيـــبه خخخخ:lool:

تسلمين يا هيوبه ما قصرتي
لا عدمنـــاج..

[مشتاق]

هههههههههههه

مقارنه عنجد رهيبه

بس تسمحي لي

انا مش خليجي بس والله والنعم فيهم

رجال وينشد فيهم الضهر

لا مهند ولا مليون مثل مهند

يسوى بشباب الخليج

مشكور يا طيبه

ربي يسعدك ويحفظك

دمتي بود

[حلا الكون]

هههههههههههه

والله مافى احلا من العربى .,

يسلمووا على الموضوع .,

[شهرزاد نجوم]

ههههههههههههههههههههههههههههههههههههههه
كثير حلوة الفروقات
يسلمووو على خفة الدم