ابوشـهـد والذكريات

[ابوشهد]

سلامي على اللي حاظر معانه *** سلامي على اللي خالي مكانه

بسم الله ابدأ ملفي الخاص بالذكريات والأرشيف
وبسوي نفسكم بكتب كل شي عندي وأكشف شخصيتي
وبتحدث عن ذكريات النت والأمور اللي يمكن الكل ما يعرفها

الاسم : ابوشهد :a29:

الحالة الاجتماعية : متزوج ولله الحمد ------ > علشان يفتك من المغازل :)

الاطفال : 2

العمر : 30

الهواية : الانترنت + كرة القدم


بديت في عالم الانترنت في سنة 1994
كان ايامها مافيه مواقع وما تحرر الاكسبلورر او النتسكيب الا بعدين
كنا ندخل من وندوز اسمه وندوز3.1
وكان الاشتراك ضعيف جدا مقارنة بأيامنا هذي دي اس ال ووصلات ووايرلس
كنا نشبك برامج عاديه وكان اي شي ندخل فيه نستانس
ماعندنا خبره كنا هواه وكنا مجموعه
هم اعتزلو قروبي وبقيت بروحي حاليا
من البرامج اللي كنا ندخلها اذا تعرفونه فري تل
برنامج صوتي مشترك للعالم كله
ماكنا ندري اللي نكلمه بنت والا رجال الا لما يبطل المايك
منو تلقاه متطور هذيك الايام وشاري مايك :)
كنا حنا نكتب والاجانب مايكات وماندري شيقول ونشخط وهم يشخطون
بعدين تطورنا رحنا الافنت وقعدنا فتره يمكن سنه
سنة 96 رحت سيرفر جديد اسمه الدال نت
بعدين طلبت منا مساعدة حنا العرب والقداما الخبره يعني :)
من قبل أخ قطري اسمه عبدالله المري المعروف بأريبيان بالعربجات
حولنا عنده ومسكت انا سيرفرات العربجات كنت ادمن هلب
وفتحت موقع نجوم سنة 2001
وتميت معاهم لي 2002 وانسحبت وركزت على نجوم


يـــــــــــــــــتـــــــــــــــــبـــــــــــــ ـــــــــــع

[ابوشهد]

عدنا إليكم وحديث الذكريات
حدثت معاي أمور كثيرة جدا
مضحكه وفنيه وغريبة ومواقف والخ
لان هالفتره اللي انا فيها بالنت طويلة
يمكن أطلع تقاعد :a29:
وحاليا أرشيفي الخاص مو موجود معاي
وماعندي سكنر أحط فيه البلاوي اللي عندي
ولكن ان شاء الله عن قريب راح انزل بعض الأمور

وأيضا راح أنزل لكم صور خاصة سواء لي
او لأيام لما كنت ألعب كورة بالجامعة منتخب الجامعة
أو بالدورات الرمضانية وصور لشهودة لأن كثير مزعجيني :lool:

ويالله جهزوا نفسكم للصور بالرد التالي :music:

[ابوشهد]

http://vb.njom.net/sings/me/1.jpg
هذا ولي العهد كنا مرتبين اغراضنا بنسافر ونسيناه بالشنطه هههههه




http://vb.njom.net/sings/me/2.jpg
وهذا لما صار سباح ماهر وكبر وصار رجال :a39:



http://vb.njom.net/sings/me/3.jpg
وهذي شهودة بقسمها الخاص بالجمعية لازم نمر عليه تاخذ اللي تبي :a28:



http://vb.njom.net/sings/me/4.jpg
كتكوتها وردي بناتي مزعجتنا طردي بالصاله هي وياه :a28:



http://vb.njom.net/sings/me/5.jpg
اهني عاقلة وقايمة من الصبح من صلاة الفجر ولابسة وكاشخة
كل هذا علشان الروضة يومين بس وباقي السنة غياب هههههههه



يـــــتـــــبــــــــــــــــــــــــــــع ,,,,

[ابوشهد]

http://vb.njom.net/sings/me/6.jpg
هذا انا بالشاليه لازم السر يكون عندي علشان اقدر امخمخ
القهوه التركية والزقاير وراحت البال :music:



http://vb.njom.net/sings/me/8.bmp
بماليزيا مادري سنة كم نسيت



http://vb.njom.net/sings/me/7.jpg
أيضا بماليزيا شكلي منهم سما سما يعني الله يسلمكم هههههه



http://vb.njom.net/sings/me/9.jpg
هذي الله يسلمكم بالقطب الشمالي ويل قلبي شيب عيني طر جيبي ويل حالي




يــــــــــــتـــــــــــــــــبــــــــــــــــــ ـــــع ,,,,

[ابوشهد]

طبعا قعدت اتعبث لقيت عندي بالجهاز لقطتين كورة
قلت اوريكم اياها فيديو
هذي مباراتنا حنا منتخب الكويت للصالات
مع الاخوان منتخب مصر بمباراة ودية تحضيرية
وفزنا عليهم 5/2



http://vb.njom.net/sings/me/njom2.3g2
هذا هدف جبته من قولنا كنت على الجناح
عديت باثنين وجبت قول لعيون نجوم بس :a29:



http://vb.njom.net/sings/me/njom.3g2
اهني زعلوا اخوانا المصريين وكسروني
وبغيت اصير معوق واعتزل كورة بس اشوا جت سليمه :a29:


الى لقاء قريب تعبت وانا اكتب اليوم :music: